തിരുവമ്പാടി
ഗ്രാമ പഞ്ചായത്ത്

തിരുവമ്പാടി ഗ്രാമപഞ്ചായത്ത് 01/01/1962 തിയ്യതിയിലാണ് രൂപീകൃതമാവുന്നത്. 8 വാര്‍ഡുകളായിരുന്നു അന്ന് നിലവിലുണ്ടായിരുന്നത്. ഇന്നത്തെ കൂടരഞ്ഞി ഗ്രാമപഞ്ചായത്ത് തിരുവമ്പാടി ഗ്രാമപഞ്ചായത്തിന്റ ഭാഗമായിരുന്നു. 22/09/1969 തിയ്യതിയിലാണ് തിരുവമ്പാടി ഗ്രാമപഞ്ചായത്തിലെ 1,2,3, വാര്‍ഡുകള്‍ ഉ‍ള്‍പ്പെടുത്തിക്കൊണ്ട് കൂടരഞ്ഞി ഗ്രാമപഞ്ചായത്ത് നിലവില്‍ വരുന്നത്. പിന്നീട് കൂടരഞ്ഞി ഗ്രാമപഞ്ചായ്തതിലേക്ക് മാറ്റിയ ഒന്നാം വാര്‍ഡ്, വീണ്ടും തിരുവമ്പാടി ഗ്രാമപഞ്ചായത്തിലേക്കു തന്നെ കൂട്ടിച്ചേര്‍ക്കുകയുണ്ടായി. തുടര്‍ന്ന് വിവിധ ഡിലിമിറ്റേഷനുകളിലായി  വാര്‍ഡുകളുടെ എണ്ണം യഥാക്രമം 11,13,16,17,19 ആയി വര്‍ദ്ധിച്ചു. തിരുവമ്പാടി ഗ്രാമപഞ്ചായത്തില്‍ 19 വാര്‍ഡുകളാണ് ഇപ്പോള്‍ നിലവിലുള്ളത്.

01/01/1962 മുതല്‍ 31/12/1963 വരെ സ്പെഷ്യല്‍ ഓഫീസറായിരുന്നു ഭരണം നിര്‍വ്വഹിച്ചിരുന്നത്.

ആദ്യത്തെ തെരെഞ്ഞെടുക്കപ്പെട്ട ഭരണ സമിതി നിലവില്‍ വരുന്നത് 01/01/1964 തിയ്യതിയിലാണ്. ശ്രീ. എം. ടി മാണി മുട്ടത്തുകുന്നേല്‍ ആയിരുന്നു, ആദ്യ ഭരണ സമിതിയിലെ പ്രസിഡന്റ്. ഇദ്ദേഹം രാജി വച്ചതിനെ തുടര്‍ന്ന് 25/08/1966-ല്‍ ശ്രീ പി.ടി. വര്‍‍ഗ്ഗീസ് പനന്തോട്ടത്തില്‍ എന്നവര്‍ പ്രസിഡന്റ് ആയി സ്ഥാനമേറ്റു. 14/01/1976-ല്‍ ശ്രീ പി.ടി. വര്‍‍ഗ്ഗീസ് പനന്തോട്ടത്തില്‍ മരണപ്പെടുകയും, ആക്ടിഗ് പ്രസിഡന്റ് ആയി ശ്രീ.. പി. ജെ ജേക്കബ് പുത്തന്‍പുരയില്‍ ചുമതലയേല്ക്കുകയും ചെയ്തു.  തുടര്‍ന്ന് നടന്ന തെരെഞ്ഞെടുപ്പില്‍ ശ്രീ. പി. എം. ചിദംബരന്‍ പ്രസിഡന്റ് ആയി തെരഞ്ഞെടുക്കപ്പെട്ടു.  19/10/1984 ന് കാലാവധി അവസാനിച്ച പ്രസ്തുത ഭരണ സമിതിക്ക് ശേഷം 07/02/1988 വരെ സ്പെഷ്യല്‍ ഓഫീസര്‍ ഭരണം നടത്തി.  തുടര്‍ന്ന്  08/02/1998 ല്‍           ശ്രീ. എ. എം. ജോസഫ് അരഞ്ഞാണിയില്‍ എന്നവര്‍ പ്രസിഡന്റ്  ആയി തെരെഞ്ഞെടുക്കപ്പെട്ട ഭരണ സമിതി നിലവില്‍ വന്നു.  ഇദ്ദേഹം രാജി വക്കകുകയും,  അന്നത്തെ വൈസ് പ്രസിഡന്‍റ് ആയിരുന്ന ശ്രീ ജോയിക്കുട്ടി ലൂക്കോസ് പ്രസിഡന്‍റ് ആയി തെഞ്ഞെടുക്കപ്പെടുകയും, 03/04/1992 മുതല്‍03/10/1995 വരെ തുടരുകയും ചെയതു. 

പഞ്ചായത്ത് രാജ് നിയമ പ്രകാരമുള്ള പൊതു തെരഞ്ഞെടുപ്പ് 23/09/1995 തിയ്യതിയിലാണ് നടന്നത്. പ്രസ്തുത തെരെഞ്ഞെടുപ്പില്‍ ശ്രീ. ടി. ജെ കുര്യാച്ചന്‍ പ്രസിഡന്‍റ് ആയി  പുതിയ ഭരണ സമിതി അധികാരത്തില്‍ വന്നു. തുടര്‍ന്ന് 1997 ല്‍ ശ്രീ. ഫിലിപ്പ് പാമ്പാറ, 1999ല്‍ ശ്രീ. അബ്ദു  സമദ്, ശ്രീ. ജോണ്‍ ചാക്കോ, 2000 ല്‍ ശ്രീമതി. ഗിരിജ ദേവദാസ്,  2005 ല്‍ ശ്രീ. ജോളി ജോസഫ്, 2010 ശ്രീമതി ഏലിയാമ്മ ജോര്‍ജ്ജ്, 2015ല്‍ ശ്രീ. പി.ടി. അഗസ്റ്റിന്‍, 2020 ഡിസംബര്‍ മുതല്‍ 2023 ജനുവരി വരെ ശ്രീമതി. മേഴ്സി പുളിക്കാട്ട്, 2023 ജനുവരി മുതല്‍ ശ്രീമതി. ബിന്ദു ജോണ്‍സണ്‍ എന്നിവര്‍ പ്രസിഡന്‍റുമാരായിരുന്നു. നിലവില്‍ ശ്രീ. ജിതിന്‍ പല്ലാട്ട്  ഗ്രാമ പഞ്ചായത്ത് പ്രസിഡന്‍റ് ആയി തുടരുന്നു.